മഴക്കെടുതിയെ നേരിടാന് സംസ്ഥാനം സജ്ജമെന്ന് മന്ത്രി കെ രാജന്. എല്ലാ ജില്ലകളിലും മുന്കരുതലെടുക്കാന് നിര്ദ്ദേശം നല്കിയതായും മന്ത്രി മാധ്യമങ്ങളോട് പറഞ്ഞു. മലയോര മേഖലകളില് രാത്രിയാത്രാ നിരോധനം കളക്ടര്മാര് തീരുമാനിക്കും.
മണ്ണിടിച്ചിലിന് സാധ്യത കാണുന്നുണ്ട്. അപകട സാധ്യതാ സ്ഥലങ്ങളില് നിന്ന് ആളുകളെ മാറ്റിപ്പാര്പ്പിക്കാന് നിര്ദ്ദേശം നല്കിയതായും അദ്ദേഹം പറഞ്ഞു. എല്ലാ ജില്ലാ ഭരണകൂടത്തോടും സജ്ജമാകാന് നിര്ദ്ദേശം നല്കിയിട്ടുണ്ടെന്നും മന്ത്രി കൂട്ടിച്ചേര്ത്തു.
അതേസമയം, അടുത്ത 3 മണിക്കൂറില് കേരളത്തില് എല്ലാ ജില്ലകളിലും ഒറ്റപ്പെട്ടയിടങ്ങളില് മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.