ബ്രിട്ടീഷ് കൗൺസിലിലേക്ക് സ്ഥാനാർത്ഥിയായി മലയാളി

പാരീസ്: ലണ്ടൻ ബാർകിംഗ് ആൻഡ് ഡെഗനാം കൗൺസിൽ തിരഞ്ഞെടുപ്പിൽ മലയാളിയായ സുഭാഷ് നായർ മത്സരിക്കും. എറണാകുളം പെരുമ്പാവൂർ സ്വദേശിയായ സുഭാഷ് ബ്രിട്ടീഷ് കൺസർവേറ്റീവ് പാർട്ടിയുടെ പ്രതിനിധിയായാണ് മത്സരിക്കുന്നത്. 51 ബാർകിംഗ് ആൻഡ് ഡെഗനാമിലേക്കുള്ള 51 അംഗ സഭയിലേക്ക് മെയ് 5 ന് ആണ് വോട്ടെടുപ്പ് നടക്കുന്നത്.

2018 മുതൽ കൺസർവേറ്റീവ് പാർട്ടിയിൽ അംഗമായ സുഭാഷ് ആദ്യമായാണ് തിരഞ്ഞെടുപ്പിൽ മത്സരിക്കുന്നത്. ലണ്ടനിലെ ലോയ്ഡസ് ഇൻഷൂറൻസ് മാർക്കറ്റിൽ ബിസിനസ് ആൻഡ് ടെസ്റ്റ് കൺസൾട്ടന്റ് കോൺട്രാക്ടറായി ജോലി ചെയ്യുകയാണ്. 90 കളിൽ വിദ്യാർത്ഥി രാഷ്‌ട്രീയത്തിൽ സജീവമായിരുന്ന സുഭാഷ് നാഷണൽ കൗൺസിൽ ഫോർ ഹിന്ദു ഹെറിറ്റേജ്, ലണ്ടൻ മലയാളി ഹിന്ദു സമാജം തുടങ്ങിയ വ്യത്യസ്ത സമ്മേളനങ്ങളിലൂടെ യുകെയിലെ മലയാളികളായ ഹിന്ദുക്കളെ ഒന്നിപ്പിക്കുന്നതിൽ അദ്ദേഹം വലിയ പങ്ക് വഹിച്ചു.

കുടുംബത്തോടൊപ്പം ബാർകിംഗ് ആൻഡ് ഡാഗെൻഹാം ബറോയിലെ ചാഡ്വെൽഹീത്തിലാണ് താമസം.ഭാര്യയും രണ്ട് കുട്ടികളുമടങ്ങുന്നതാണ് കുടുംബം.

ഭരണം സർക്കാരുകളുടെ ജോലിയാണെന്നും ബിസിനസ്സ് നടത്തുന്നതല്ലെന്നും ഉറച്ചു വിശ്വസിക്കുന്ന ആളാണ് താനെന്ന് സ്ഥാനാർത്ഥി പ്രഖായ്പനത്തിന് ശേഷം സുഭാഷ് പറഞ്ഞു. തന്റെ ആശയത്തോട് ഏറ്റവും അടുത്ത കാഴ്ചപ്പാടുള്ള പാർട്ടി എന്ന നിലയിൽ, ഏകദേശം നാല് വർഷം മുമ്പ് കൺസർവേറ്റീവ് പാർട്ടിയിൽ ചേരാൻ ആഗ്രഹം തോന്നി.

പ്രധാനമന്ത്രിയും രാഷ്‌ട്രീയ ധാർമ്മികതയും ഉള്ള ആളെന്ന നിലയിൽ മുൻ പ്രധാനമന്ത്രി ഡേവിഡ് കാമറൂണിന്റെ പ്രവർത്തനങ്ങൾ എന്നെ ഈ പാർട്ടിയിലേക്ക് കൂടുതൽ അടുപ്പിച്ചു. എല്ലാറ്റിനുമുപരിയായി, വലതുപക്ഷ രാഷ്‌ട്രീയത്തിൽ മാത്രമല്ല, വലതുപക്ഷത്ത് നിൽക്കുക എന്നതാണ് വ്യക്തിയെന്ന നിലയിൽ സമൂഹത്തിന് ചെയ്യാൻ കഴിയുന്ന ഏറ്റവും വലിയ സേവനം എന്ന് താൻ വിശ്വസിക്കുന്നുവെന്ന് സുഭാഷ് വ്യക്തമാക്കി.

‘മനുഷ്യർ തമ്മിലുള്ള തർക്കത്തിലല്ല. എല്ലാ ആളുകളെയും ഒന്നിപ്പിക്കുന്നതിലാണ് താൻ വിശ്വസിക്കുന്നതെന്ന് സുഭാഷ് പറഞ്ഞു. പരിസ്ഥിതി, ക്രമസമാധാനം, ആരോഗ്യ സംരക്ഷണം തുടങ്ങിയ വിവിധ വിഷയങ്ങളിൽ കൗൺസിലർ പദവിയിലൂടെ തന്റെ വാർഡിനെ കൂടുതൽ ഫലപ്രദമായി സേവിക്കാൻ കഴിയുമെന്ന് താൻ കരുതുന്നുവെന്ന് സുഭാഷ് കൂട്ടിച്ചേർത്തു.