ശ്രീജ.എസ്
ന്യൂഡല്ഹി: ഇന്ത്യാ-ചൈന അതിര്ത്തിയില് സംഘര്ഷം നിലനില്ക്കുന്നതിനിടെ പാകിസ്ഥാന്റെ പടിഞ്ഞാറെ അതിര്ത്തിയില് എല്.സി.എ തേജസ് യുദ്ധവിമാനം വിന്യസിച്ച് ഇന്ത്യന് വ്യോമസേന. ഇന്ത്യ തദ്ദേശീയമായി നിര്മിച്ച ചെറുയുദ്ധവിമാനമാണു തേജസ്.
സതേണ് എയര് കമാന്ഡിന്റെ കീഴില് സുളൂര് ആസ്ഥാനമായി 45-ാം സ്ക്വാഡ്രണിനെയാണ് വിന്യസിച്ചിരിക്കുന്നത്. പ്രധാനമന്ത്രി നരേന്ദ്ര മോദി സ്വതന്ത്ര്യദിന പ്രസംഗത്തില് തേജസ് യുദ്ധവിമാനങ്ങളെ പ്രകീര്ത്തിച്ചിരുന്നു. 83 മാര്ക്ക് 1 എ എല്.സി.എ യുദ്ധവിമാനങ്ങള്ക്കുളള കരാര് ഉടന് അന്തിമമാക്കുമെന്ന് പ്രധാനമന്ത്രി നരേന്ദ്ര മോദി പറഞ്ഞിരുന്നു.
40000 കോടി രൂപയാണ് ഈ പദ്ധതിക്കായി പ്രതീക്ഷിക്കുന്നത്. രാജ്യത്ത് തന്നെ നിര്മിക്കുന്ന ഉപകരണങ്ങളില് ഏറ്റവും ചിലവേറിയതാണ് ഇത്.