ബിന്ദുലാൽ തൃശൂർ
തൃശൂർ ജില്ലാ കളക്ട്രേറ്റിൽ പാർട്ട് ടൈം സ്വീപ്പർ ആയ പി ആർ കോമളവല്ലിയെന്ന അമ്മ ജോലിയിൽ നിന്നും വിരമിച്ചു.അതൊരു വലിയ വാർത്തയായി തോന്നില്ല. പക്ഷേ വിരമിക്കൽ ദിനത്തിൽ മുഖ്യമന്ത്രിയുടെ ദുരിതാശ്വാസ നിധിയിലേക്ക് 10,000 രൂപ നൽകിയാണ് ഈ അമ്മ മാതൃകയായത്. സബ് കളക്ടർ അഫ്സന പർവീൻ തുക ഏറ്റുവാങ്ങി. 2001 ഒക്ടോബർ അഞ്ച് മുതൽ കോമളവല്ലി കളക്ട്രേറ്റിൽ ജോലി ചെയ്തിരുന്നു. മരത്തക്കാര സ്വദേശിയായ ഇവർ അവിവാഹിതയാണ്.