ശ്രീജ.എസ്
ലോകത്തിലെ ഏറ്റവും നീളം കൂടിയ ഖുര്ആന് ഇനി ആലപ്പുഴയ്ക്ക് സ്വന്തം. കായംകുളത്തെ നാല് സഹോദരങ്ങള് ചേര്ന്ന് നിര്മിച്ചിരിക്കുന്ന ഖുര്ആന്റെ നീളം മൂന്ന് കിലോമീറ്റര് ആണ്. പൂര്ണമായും എഴുതിയാണ് ഈ ഖുര്ആന് തയാറാക്കിയിരിക്കുന്നത്.
ലോക്ക്ഡൗണ് കാലത്താണ് ഇവര്ക്ക് ഈ ആശയം ഉണ്ടായത്. അതിപ്പോള് ലോക റെക്കോര്ഡിനരികെ എത്തിനില്ക്കുന്നു. 20 മീറ്ററുള്ള പേപ്പര് റോളുകളില് ഒറ്റവരിയായാണ് ഖുര്ആന് എഴുതിയിരിക്കുന്നത്. 155 റോള് പേപ്പര് തയ്ച് റൗണ്ട് ഷെയ്പില് ചുറ്റി രണ്ട് പെട്ടികളിലേക്ക് വച്ചു. പെട്ടിയില് നിന്ന് പുറത്തുവരുന്ന രീതിയിലാണ് പുസ്തകം വായിക്കാന് സാധിക്കുക.