സിന്ധുമോള് ആര്
മുംബൈ: മഹാരാഷ്ട്രയില് കഴിഞ്ഞ 24 മണിക്കൂറിനിടെ 161 പോലീസുകാര്ക്ക് കൂടി കോവിഡ് സ്ഥിരീകരിച്ചു. ഒരു ഉദ്യോഗസ്ഥന് കോവിഡ് ബാധിച്ചു മരിച്ചു. 14,953 പോലീസുകാര്ക്കാണ് മഹാരാഷ്ട്രയില് കോവിഡ് സ്ഥിരീകരിച്ചത്. ഇതില് 2,800 പേര് ചികിത്സയിലാണ്. 11,999 പേര് കോവിഡ് മുക്തരായി. 154 പോലീസുകാരാണ് കോവിഡ് ബാധിച്ച് മരിച്ചത്.
ശനിയാഴ്ച സംസ്ഥാനത്ത് 16,867 പേര്ക്കാണു രോഗം സ്ഥിരീകരിക്കപ്പെട്ടത്. ഇതോടെ സംസ്ഥാനത്തെ രോഗികളുടെ എണ്ണം 7,64,281 എത്തി. 24,103 പേര്ക്കാണ് ജീവന് നഷ്ടമായത്. 1,85,131 രോഗികളാണ് ഇപ്പോള് ചികിത്സയിലുള്ളത്.