കോവിഡ്: പ്രതിസന്ധി മറികടക്കാന്‍ അഞ്ച് വര്‍ഷം വേണ്ടി വരും -ലോകബാങ്ക്
![“Manju”](https://santhigirinews.org/wp-content/uploads/2020/04/YOUTUBE.jpg")
സിന്ധുമോള്‍ ആര്‍
ന്യൂയോര്‍ക്ക്: ആഗോള സമ്പദ്വ്യവസ്ഥ കോവിഡ് ആഘാതത്തില്‍ നിന്നും മുക്തമാവാന്‍ അഞ്ച് വര്‍ഷമെടുക്കുമെന്ന് ലോകബാങ്ക്. മുഖ്യസാമ്പത്തിക ശാസ്ത്രജ്ഞ കാര്‍മെന്‍ റെയിന്‍ഹാര്‍ട്ടാണ് ഇക്കാര്യം അറിയിച്ചത്. ലോക്ഡൗണ്‍ നിയന്ത്രണങ്ങള്‍ പിന്‍വലിക്കുന്നതോടെ സമ്പദ്വ്യവസ്ഥകളില്‍ ചെറിയ ഉണര്‍വുണ്ടാകാം. എന്നാല്‍, സമ്പദ്വ്യവസ്ഥ പഴയനിലയിലേക്ക് എത്താന്‍ അഞ്ച് വര്‍ഷമെങ്കിലും എടുക്കുമെന്നും അവര്‍ പറഞ്ഞു.
കോവിഡിനെ തുടര്‍ന്നുണ്ടായ സാമ്പത്തിക മാന്ദ്യം കുറേ കാലം നില നില്‍ക്കും. രാജ്യങ്ങളില്‍ അസമത്വം വര്‍ധിക്കും. പാവപ്പെട്ട ജനങ്ങളെയാണ് കോവിഡ് ഏറ്റവും പ്രതികൂലമായി ബാധിക്കുക. 20 വര്‍ഷത്തിനിടെ പ്രതിസന്ധിമൂലം ദാരിദ്ര്യം വര്‍ധിക്കുമെന്നും അവര്‍ വ്യക്തമാക്കി. കോവിഡ് മൂലം വികസ്വര രാജ്യങ്ങളുടെ പ്രതിശീര്‍ഷ വരുമാനം കുറയുമെന്ന് ലോകബാങ്ക് നേരത്തെ തന്നെ മുന്നറിയിപ്പ് നല്‍കിയിരുന്നു. ജി.ഡി.പിയില്‍ ഇടിവുണ്ടാകുമെന്നും ലോകബാങ്ക് വ്യക്തമാക്കിയിരുന്നു.
