ന്യൂഡല്ഹി: ഗൂഗിളിന് 1337.76 കോടി രൂപയുടെ പിഴ ചുമത്തി കോംപറ്റീഷന് കമ്മീഷന് ഓഫ് ഇന്ത്യ. ആന്ഡ്രോയ്ഡ് ഫോണുകളെ വാണിജ്യ താത്പര്യത്തിനു മുന്നിര്ത്തി ചൂഷണം ചെയ്തതിനാണ് വന് പിഴ ചുമത്തിയിരിക്കുന്നത്. മറ്റ് സമാന ആപ്പുകളുടെ പ്രവര്ത്തനം പരിമിതപ്പെടുത്തിയതായും കണ്ടെത്തിയിട്ടുണ്ട്. ന്യായമല്ലാത്ത വിപണന രീതികള് പാടില്ലെന്നും കോംപറ്റീഷന് കമ്മീഷന് മുന്നറിയിപ്പ് നല്കി.
ഗൂഗിളിന്റെ സെര്ച്ച് എഞ്ചിന് ഉപയോഗിക്കാന് ഒരു സാമ്പത്തിക ഓഫറുകളും സ്മാര്ട്ട് ഫോണ് നിര്മാതാക്കള്ക്ക് നല്കരുതെന്നും കമ്മീഷന് നിര്ദ്ദേശം നല്കിയിട്ടുണ്ട്. വിഷയത്തില് ഗൂഗിള് ഇന്ത്യ പ്രതികരിച്ചിട്ടില്ല.