സിന്ധുമോള് ആര്
ആറ്റിങ്ങല്: ബസ് സ്റ്റാന്ഡിന് സമീപത്തെ കെട്ടിടത്തിനു മുകളില് സ്ഥാപിച്ചിരുന്ന കൂറ്റന് ഫ്ലക്സ് ബോര്ഡ് ശക്തമായ കാറ്റില് റോഡിലേക്ക് മറിഞ്ഞുവീണു. തലനാരിഴയ്ക്കാണ് വന് ദുരന്തം ഒഴിവായത്. ഇന്നലെ വൈകിട്ട് 3 മണിയോടെയായിരുന്നു സംഭവം. ഈ സമയം അതുവഴി നടന്നു പോകുകയായിരുന്ന വീട്ടമ്മയുടെ തൊട്ടടുത്താണ് ബോര്ഡ് പതിച്ചത്. ശബ്ദം കേട്ട് അവര് ഓടി മാറുകയായിരുന്നു. സമ്പൂര്ണ ലോക്ക് ഡൗണ് ആയതിനാല് കൂടുതല് ആളുകള് സ്റ്റാന്ഡിന് സമീപം ഇല്ലാതിരുന്നതിനാല് അപകടമൊഴിവായി. സാധാരണ നിരവധി ആളുകള് നില്ക്കുന്ന സ്ഥലമാണിത്.