ശ്രീജ.എസ്
പത്തനാപുരം: ബസ് യാത്രക്കാരിയില്നിന്ന് പഴ്സ് തട്ടിയെടുക്കാന് ശ്രമിച്ച കേസില് രണ്ടു നാടോടോ സ്ത്രീകളെ നാട്ടുകാര് പിടികൂടി പോലീസില് ഏല്പ്പിച്ചു. കൊട്ടാരക്കരയില്നിന്ന് പത്തനാപുരത്തേക്ക് വരികയായിരുന്നു ബസില് കഴിഞ്ഞദിവസം വൈകുന്നേരം നാലോടെയായിരുന്നു സംഭവം. കൊട്ടാരക്കര കിഴക്കേതെരുവില് നിന്ന് കെഎസ്ആര്ടിസി ബസില് പത്തനാപുരത്തേക്ക് യാത്ര ചെയ്ത പിടവൂര് സ്വദേശിനിയുടെ പഴ്സ് അപഹരിക്കാന് ശ്രമിക്കുമ്പോഴാണ് നാടോടി സത്രീകള് പിടിയിലായത്.
ഡിപ്പോയിലെത്തി യാത്രക്കാര് ഇറങ്ങുന്നതിനിടെ ഒരാള് സാരിയില് കാല്വച്ചു ചവിട്ടി പിടവൂര് സ്വദേശിനിയായ യാത്രക്കാരിയുടെ ശ്രദ്ധ തിരിക്കുകയും ഈ തക്കത്തിന് മറ്റൊരാള് പഴ്സ് തട്ടിപ്പറിച്ച് ഓടുകയുമായിരുന്നു. മറ്റ് യാത്രക്കാരും നാട്ടുകാരും ചേര്ന്ന് പ്രതിയെ പിന്തുടര്ന്ന് പിടികൂടി. തമിഴ്നാട് കോയമ്പത്തൂര് ഒസാം പെട്ടി സ്വദേശികളായ ലക്ഷ്മി, നന്ദിനി എന്നിവരാണ് പിടിയിലായത്. ഇരുവരെയും പൊലീസിന് കൈമാറി. ഇവരെ അറസ്റ്റ് ചെയ്ത് മെഡിക്കല് പരിശോധനകള് കഴിഞ്ഞ് കോടതിയില് ഹാജരാക്കി.ഇരുവര്ക്കുമെതിരെ മുന്പും സമാനമായ കേസുകള് രെജിസ്റ്റര് ചെയ്തിരുന്നതായി പോലീസ് അറിയിച്ചു.