Sports

ഏഷ്യാ കപ്പ് ; ഇന്ത്യൻ ടീം പ്രഖ്യാപനം നാളെ

“Manju”

മുംബൈ : ഏഷ്യാ കപ്പിനുള്ള ഇന്ത്യൻ ടീമിനെ നാളെ പ്രഖ്യാപിക്കും. വിക്കറ്റ് കീപ്പർ ലോകേഷ് രാഹുലും പരിക്കിൽ നിന്ന് മോചിതനായ ദീപക് ചഹാറും ടീമിലേക്ക് തിരികെ എത്തിയേക്കും. ഇന്ത്യൻ ടീമിലേക്ക് തിരികെ എത്തുന്ന രാഹുൽ ഓപ്പണിംഗിൽ തന്നെ കളിച്ചേക്കും എന്നാണ് വിവരം.

മലയാളി താരം സഞ്ജു സാംസനെ പരിഗണിച്ചേക്കില്ല. എന്നാൽ, പാർട്ട് ടൈം സ്പിന്നർ എന്നതുകൂടി പരിഗണിച്ച് ദീപക് ഹൂഡ കളിച്ചേക്കും. ഇഷാൻ കിഷൻ ബാക്കപ്പ് ഓപ്പണറായും ശ്രേയസ്സ് അയ്യർ
മധ്യനിരയിലെ ബാക്കപ്പ് താരമായും നിൽക്കാനാണ് സാധ്യത.

അശ്വിനും സ്‌ക്വാഡിൽ ഉൾപ്പെടാനിടയുണ്ട്. ദിനേഷ് കാർത്തിക് ഫിനിഷർ റോളിൽ തുടരും. ബുംറ, ഭുവി എന്നിവർക്കൊപ്പം അർഷ്ദീപ് സിംഗ്, ഹർഷൽ പട്ടേൽ എന്നിവരിൽ ഒരാളാവും ഇന്ത്യയുടെ മൂന്നാം പേസർ. ചഹാൽ സ്‌പെഷ്യലിസ്റ്റ് സ്പിന്നറും ബിഷ്‌ണോയ് ബാക്കപ്പ് സ്പിന്നറുമാവും. ജഡേജ ആവും സ്പിൻ ഓൾറൗണ്ടർ. അക്‌സർ ജഡേജയുടെ ബാക്കപ്പ് താരമായി ടീമിലിടം പിടിക്കും.

ഈ മാസം 27ന് യുഎഇയിലാണ് മത്സരം തുടങ്ങുന്നത്. ആറ് ടീമുകളെ രണ്ട് ഗ്രൂപ്പുകളായി തിരിച്ചാണ് മത്സരങ്ങൾ നടക്കുക. ദുബായിയും ഷാർജയുമാണ് മത്സരവേദികൾ. മത്സരത്തിൽ ഇന്ത്യയും പാക്കിസ്ഥാനും ബി ഗ്രൂപ്പിലാണ്. യോഗ്യതാ റൗണ്ട് കളിച്ചെത്തുന്ന ഒരു ടീം കൂടി ഈ ഗ്രൂപ്പിലുണ്ടാകും. പാകിസ്ഥാനെതിരെ ദുബായിയിൽ ഓഗസ്റ്റ് 28നാണ് ഇന്ത്യയുടെ ആദ്യ മത്സരം.

Related Articles

Back to top button