ഹയര്സെക്കന്ഡറി പരീക്ഷയില് 87.94 ശതമാനം വിജയം
തിരുവനന്തപുരം: ഹയര്സെക്കന്ഡറി പരീക്ഷയില് 87.94 ശതമാനം വിജയം. പൊതുവിദ്യാഭ്യാസമന്ത്രി വി. ശിവന്കുട്ടിയാണ് പരീക്ഷാഫലം പ്രഖ്യാപിച്ചത്. കൊമേഴ്സില് 89.13 ശതമാനവും ഹ്യുമാനിറ്റിസ് 80.4 ശതമാനവും ടെക്നിക്കല് 84.39 ശതമാനവും കലാമണ്ഡത്തില് 89.33 ശതമാനം കുട്ടികളും ഉപരിപഠനത്തിന് യോഗ്യത നേടിയെന്ന് വിദ്യാഭ്യാസമന്ത്രി പറഞ്ഞു. കഴിഞ്ഞ വര്ഷം ഹയര്സെക്കന്ഡറി പരീക്ഷയില് 85.31 ശതമാനമായിരുന്നു വിജയമെന്നും മന്ത്രി വാര്ത്താസമ്മേളനത്തില് പറഞ്ഞു.
വിജയശതമാനം കൂടുതല് എറണാകുളം ജില്ലയിലാണ്. 91.11 ശതമാനം. കുറവ് വിജയശതമാനം പത്തനംതിട്ട ജില്ലയിലാണ്. 82.53 ശതമാനം. 136 സ്കൂളുകള് നൂറ് ശതമാനം വിജയം കരസ്ഥമാക്കിയെന്നും മന്ത്രി പറഞ്ഞു.
വ്യക്തിഗത പരീക്ഷാ ഫലം വൈകുന്നേരം നാല് മുതല് ലഭ്യമാകുമെന്നും മന്ത്രി കൂട്ടിച്ചേര്ത്തു.