രക്ഷാപ്രവത്തകർക്ക് സൗജന്യ പ്രഭാത ഭക്ഷണം:മാതൃകയായി സേവാഭാരതി

സനീഷ് സി എസ്

കുമരകം : നാടിൻ്റെ രക്ഷാപ്രവർത്തകരായ ആരോഗ്യ വകുപ്പ് , പോലീസ് ഉദ്യോഗസ്ഥർക്ക് സേവാഭാരതിയുടെ സൗജന്യ പ്രഭാത ഭക്ഷണം. ജോലിത്തിരക്കിൽ ഭക്ഷണത്തിനായി രണ്ടു കിലോമീറ്റർ ദൂരത്തുള്ള കമ്മ്യൂണിറ്റി കിച്ചണിൽ ഉദ്യോഗസ്ഥർ എത്തുന്നതിലെ ബുദ്ധിമുട്ട് കണക്കിലെടുത്താണ് സേവാഭാരതി രംഗത്തെത്തിയത്. ഗ്രാമപ്പഞ്ചായത്ത് അംഗങ്ങളായ വി.എൻ.ജയകുമാർ , പി.കെ.സേതു എന്നിവരുടെ ശ്രമഫലമായാണ് സൗജന്യ ഭക്ഷണ വിതരണം സാധ്യമായത്. തിങ്കളാഴ്ച ഇഡലിയും സാമ്പാറും ചൊവ്വാഴ്ച അപ്പവും കടലക്കറിയും തുടങ്ങി എല്ലാ ദിവസവും വ്യത്യസ്തങ്ങളായ പ്രഭാത ഭക്ഷണം നൽകുക. കുമരകം കമ്മ്യൂണിറ്റി ഹെൽത്ത് സെൻ്റർ , ആയൂർവ്വേദ ഹോമിയോ ആശുപത്രികൾ , പോലീസ് ഉദ്യോഗസ്ഥർ എന്നിവർക്കാണ് സൗജന്യ പ്രഭാത ഭക്ഷണം. കുമരകം കമ്മ്യൂണിറ്റി ഹെൽത്ത് സെൻ്ററിലെ ഡോ.രാജേഷ് പി.കെ സേതുവിൽ നിന്ന് ഉദ്യോഗസ്ഥർക്കുള്ള ഭക്ഷണം ഏറ്റുവാങ്ങി. എല്ലാ ദിവസവും രാവിലെ എട്ടിന് ഭക്ഷണ വിതരണം കൃത്യമായി നടത്തുമെന്ന് വി.എൻ.ജയകുമാർ പറഞ്ഞു.