സേതുരാമൻ മധുര
മധുര: മധുരയിൽ ഒരു പോലീസുകാരൻ ഉൾപ്പെടെ 20 പേർക്ക് ഇന്നലെ കൊറോണ സ്ഥിരീകരിച്ചതോടെ നിയന്ത്രണങ്ങൾ ശക്തമാക്കി. ഇതോടെ മധുരൈ ജില്ലയിൽ കൊറോണ ബാധിച്ചവരുടെ എണ്ണം 112 ആയി ഉയർന്നു. അവരിൽ 2 പേർ മരിച്ചു. 48 പേർ സുഖം പ്രാപിച്ചു വീട്ടിലേക്കു മടങ്ങി .
ഇന്നലെ കൊറോണ സ്ഥിരീകരിച്ച 20 പേരിൽ 12 പേർ പുരുഷന്മാരും 8 പേർ സ്ത്രീകളുമാണ്. 5 സ്ത്രീകൾ ഗർഭിണികളാണ്.
മധുര സർക്കാർ ആശുപത്രിയിൽ ചികിത്സയിലായിരുന്ന പാലങ്കനാഥം പ്രദേശത്തെ സബ് ഇൻസ്പെക്ടറും മുതിർന്ന പോലീസ് ഉദ്യോഗസ്ഥനും ഉൾപ്പെടെ എട്ട് പേരെ ഇന്നലെ ഡിസ്ചാർജ് ചെയ്തു. ഇവരിൽ രണ്ടുപേർ വിരുദുനഗർ ജില്ലയിലെ കന്നിചേരി, ചെട്ടികുറിച്ചി പ്രദേശങ്ങളിൽ നിന്നുള്ളവരാണ്.