സിന്ധുമോള് ആര്
തിരുവനന്തപുരം: ലോക പരിസ്ഥിതി ദിനത്തോട് അനുബന്ധിച്ച് ഒരു കോടി ഒമ്പതു ലക്ഷം വൃക്ഷത്തൈകള് വെച്ചുപിടിപ്പിക്കാന് കേരളാ സര്ക്കാര് തീരുമാനിച്ചു. രണ്ട് ഘട്ടമായിട്ടാണ് വൃക്ഷത്തൈകള് നടുന്നത്. പരിസ്ഥിതി ദിനമായ ജൂണ് 5-ന് 81 ലക്ഷം തൈകളും ജൂലൈ 1 മുതല് 7 വരെയുള്ള ദിവസങ്ങളില് 28 ലക്ഷം തൈകള് കൂടി നടുമെന്നും മുഖ്യമന്ത്രി അറിയിച്ചു.
വനം വകുപ്പും, കൃഷിവകുപ്പും ചേര്ന്നാണ് തൈകള് തയ്യാറാക്കിയത്. തൊഴിലുറപ്പു പദ്ധതിക്ക് കീഴില് 12 ലക്ഷം തൈകളും ഒരുക്കിയിട്ടുണ്ടെന്ന് മുഖ്യമന്ത്രി ഫേസ്ബുക്ക് പോസ്റ്റിൽ വ്യക്തമാക്കി.