വെഞ്ഞാറമൂട്ടില് മൊത്ത വില്പന ശാലയ്ക്ക് തീപിടിച്ചു
വെഞ്ഞാറമൂട്: സ്റ്റേഷനറി മൊത്ത വില്പനക്കടയായ ശരവണ ട്രേഡേഴ്സില് അഗ്നി ബാധ. ലക്ഷകണക്കിന് രൂപയുടെ നഷ്ടമുണ്ടതായി കണക്കാക്കുന്നു. തിങ്കളാഴ്ച രാത്രി 12ന് ആയിരുന്നു സംഭവം. കടയ്ക്കുള്ളില്നിന്ന് പുകയും തീയും ഉയരുന്നത് കണ്ട് നാട്ടുകാര് അറിയിച്ചതിനെതുടര്ന്ന് സ്ഥലത്തത്തിയ വെഞ്ഞാറമൂട് അഗ്നിശമനസേനയുടെ രണ്ട് യൂണിറ്റുകള് മണിക്കൂറുകള് ശ്രമിച്ചാണ് തീ കെടുത്തിയത്.
കടയ്ക്കുള്ളിലെ ചുമര് ഫാനില്നിന്ന് പടര്ന്ന തീ ഇലക്ട്രിക് വയറുകളിലൂടെ മറ്റ് സ്ഥലങ്ങളിലേക്ക് വ്യാപിക്കുകയും മറ്റ് സാധനങ്ങളിലേക്ക് പടരുകയുമായിരുന്നെന്നാണ് നിഗമനം. വെഞ്ഞാറമൂട് കെ.എസ്.ഇ.ബി ഓഫിസിന് സമീപമാന് ഈ സ്ഥാപനം പ്രവര്ത്തിക്കുന്നത്. അഗ്നി പടര്ന്നതോടെ താപമേറ്റ് ഇലക്ട്രിസിറ്റി ഓഫിസിലെ ഫ്രണ്ട് ഓഫിസിന്റെ ഗ്ലാസ് ചില്ലുകളും പൊട്ടിച്ചിതറി.