എസ്. സേതുനാഥ് മലയാലപ്പുഴ
ഗാന്ധിമാർഗ പ്രവർത്തനങ്ങളുടെ കരുത്തുറ്റ പോരാളിയും തികഞ്ഞ മനുഷ്യസ്നേഹിയുമായ അഡ്വ. ജോർജ് വർഗീസ് (69) ദിവംഗതനായി. തിരുവനന്തപുരത്ത് ഗാന്ധി മാർഗം, അഭിഭാഷക വൃത്തി, മദ്യനിരോധനം, സർവ്വോദയം, പൊതു സേവനം തുടങ്ങി വിവിധ മേഖലകളിൽ സജീവമായിരുന്നു.പക്ഷാഘാതത്തെ തുടർന്ന് തിരു. പട്ടത്തെ ആശുപത്രിയിൽ പ്രവേശിപ്പിച്ച അദ്ദേഹത്തിന് ഇന്നലെ വൈകിട്ട് അഞ്ചരയോടെ മരണം സംഭവിച്ചു.
തിരു; അമ്പലമുക്ക് മാർ ഗ്രിഗോറിയോസ് തെക്കൻ പരുമലപ്പള്ളിയിൽ ഇന്ന് (മേയ്18) ഉച്ചയ്ക്ക് 1.30 – 2.30വരെ പൊതു ദർശനത്തിന് അവസരമുണ്ട്.
കേരള ഗാന്ധി സ്മാരക നിധി, കേരള ഹിന്ദി പ്രചാര സഭ, കേരള മദ്യനിരോധന സമിതി, കേരള സർവ്വോദയ മണ്ഡലം, കേരള മദ്യവിരുദ്ധ ജനകീയ മുന്നണി, കെസിബിസി മദ്യവിരുദ്ധ സമിതി തുടങ്ങി വിവിധ സംഘടനകൾ അനുശോചനം രേഖപ്പെടുത്തി