നോർക്ക പ്രവാസി മലയാളികളുടെ ഇൻഷുറൻസ് ഇരട്ടിയാക്കി

സിന്ധുമോള്‍ ആര്‍

കൊച്ചി: കൊച്ചി വിദേശ മലയാളികളുടെ ക്ഷേമം മുൻനി‍ര്‍ത്തി പ്രവ‍ര്‍ത്തിയ്ക്കുന്ന നോ‍ര്‍ക്ക റൂട്ട്സ് തിരിച്ചറിയൽ കാ‍ര്‍ഡുള്ളവ‍ര്‍ക്ക് നൽകുന്ന ഇൻഷുറൻസ് പരിരക്ഷ ഇരട്ടിയാക്കി. അപകടം ഉണ്ടായി ഇൻഷുറൻ ഉടമ മരണപ്പെടുകയോ അംഗവൈകല്യം സംഭിവിയ്ക്കുകയോ ചെയ്താൽ പരിരക്ഷ ലഭിയ്ക്കും.

മരണം സംഭവിച്ചാൽ ഇൻ നാലു ലക്ഷം രൂപയുടെ ഇൻഷുറൻസ് കവറേജ് ആണ് ലഭിയ്ക്കുക. അംഗവൈകല്യം സംഭവിച്ചാൽ രണ്ടു ലക്ഷം രൂപയുടെയും കവറേജ് ലഭിയ്ക്കും. ഏപ്രിൽ ഒന്നു മുതലാണ് ഇതിന് പ്രാബല്യം.
ന്യൂ ഇന്ത്യ ഇൻഷുറൻസുമായി സഹകരിച്ചാണ് പദ്ധതി. കഴിഞ്ഞ രണ്ടു വ‍ര്‍ഷത്തിനുള്ളിൽ അംഗങ്ങളായവർക്ക് സഹായം ലഭിയ്ക്കും. നോർക്ക ഇൻഷുറൻസ് ഓഫീസ് മുഖേനയോ ഓൺലൈനായോ ഐഡി കാർഡിനായി അപേക്ഷിയ്ക്കാം.
കഴിഞ്ഞ സാമ്പത്തിക വ‍ര്‍ഷം മാത്രം അപകട ഇൻഷുറൻസായി നോ‍ര്‍ക്ക വിതരണം ചെയ്തത് 54.64 ലക്ഷം രൂപയാണ്. ആറു മാസത്തിലധികം വിദേശത്ത് താമസിയ്ക്കുന്ന 18 വയസ് പൂ‍ര്‍ത്തിയായ താമസ, ജോലി വിസയുള്ളവ‍ര്‍ക്ക് നോ‍ര്‍ക്ക ഐഡി കാ‍ര്‍ഡിനായി അപേക്ഷിയ്ക്കാം. 315 രൂപയാണ് രജിസ്ട്രേഷൻ ഫീസ്. ഐഡി കാ‍ര്‍ഡുള്ളവ‍ര്‍ക്ക് ഇൻഷുറൻസ് പരിരക്ഷ ലഭ്യമാണ്. മൂന്ന് വ‍ര്‍ഷമാണ് തിരിച്ചറിയൽ കാ‍ര്‍ഡിൻെറ കാലാവധി. ഇതിനു ശേഷം പുതുക്കാം.
തിരിച്ചറിയൽ കാർഡുള്ളവർക്ക് ഒമാൻ, കുവൈറ്റ് എയർവൈസുകളിൽ ടിക്കറ്റിന് ഡിസ്കൗണ്ട് ലഭിയ്ക്കും. വിവരങ്ങൾക്ക് 18004253939 എന്ന ടോൾഫ്രീ നമ്പറിൽ ബന്ധപ്പെടാം. വെബ്സൈറ്റ്: www.norkaroots.org