മെക്സിക്കോയില് കോവിഡ് മരണം 8,000 കടന്നു
സിന്ധുമോള് ആര്
മെക്സിക്കോ സിറ്റി: കോവിഡ് 19 ബാധിച്ച് മെക്സിക്കോയില് മരിച്ചവരുടെ എണ്ണം 8,000 കടന്നു. ഇന്ന് മാത്രം 501 മരണമാണ് രാജ്യത്തുണ്ടായത്. ഇതോടെ മരണസംഖ്യ 8,134 ആയി.
രോഗം ബാധിച്ചവരില് 10 ശതമാനത്തിലധികം ആളുകളും മെക്സിക്കോയില് മരിക്കുന്നത് കടുത്ത ആശങ്കയുയര്ത്തുന്നുണ്ട്. 3,455 പേര്ക്കാണ് 24 മണിക്കൂറിനിടെ രാജ്യത്ത് കോവിഡ് സ്ഥിരീകരിച്ചത്. ഇതോടെ രോഗബാധിതരുടെ എണ്ണം 74,560 ആയി.
അതേസമയം രാജ്യത്ത് രോഗമുക്തി നേടുന്നവരുടെ എണ്ണവും കൂടുതലാണെന്നത് ആശ്വാസകരമാണ്. 52,219 പേര്ക്ക് ഇതുവരെ രോഗം ഭേദമായിട്ടുണ്ട്. 378 പേര് അതീവ ഗുരുതരാവസ്ഥയില് ചികിത്സയിലുണ്ട്.
മെക്സിക്കോയില് ഒൗദ്യോഗിക കണക്കിന്റെ മൂന്നിരട്ടിയാളുകള് മരിച്ചിട്ടുണ്ടെന്നാണ് ആരോഗ്യപ്രവര്ത്തകര് പറയുന്നത്. രാജ്യത്തിന്റെ പല ഭാഗത്തുണ്ടാകുന്ന കോവിഡ് മരണങ്ങള് കണക്കുകളില് വരുന്നില്ലെന്നും ആക്ഷേപമുണ്ട്.
കോവിഡ് രോഗവ്യാപനം തുടരുമ്പോഴും തലസ്ഥാന നഗരയില് ഉള്പ്പടെ നിയന്ത്രണങ്ങളും കുറവാണ്. ജൂണ് ആദ്യം മുതല് നിയന്ത്രണങ്ങള് പൂര്ണമായും നീക്കാനാണ് സര്ക്കാര് ആലോചിക്കുന്നത്. ഇതിനെതിരേ ആരോഗ്യപ്രവര്ത്തകര് രംഗത്തെത്തിയിട്ടുണ്ട്.