കൊല്ലം: തോപ്പില്ക്കടവില് പ്രതിഷേധവുമായി തെരുവിലറങ്ങിയ നൂറോളം അന്യസംസ്ഥാന തൊഴിലാളികളെ പോലീസ് വിരട്ടിയോടിച്ചു. ഭക്ഷണം ലഭിക്കുന്നില്ല, നാട്ടില്പ്പോകാന് സൗകര്യം ചെയ്തുതരണം തുടങ്ങിയ ആവശ്യങ്ങള് ഉന്നയിച്ചായിരുന്നു പ്രതിഷേധം.
വിവരമറിഞ്ഞെത്തിയ പോലീസ് ഇവരെ കാര്യങ്ങള് പറഞ്ഞ് മനസിലാക്കാന് ശ്രമിച്ചെങ്കിലും വിജയിച്ചില്ല. തുടര്ന്നാണ് വിരട്ടിയോടിച്ചത്. തൊഴിലാളികളില് ആരെയെങ്കിലും കസ്റ്റഡിയിലെടുത്തോ എന്ന് വ്യക്തമല്ല. സംസ്ഥാനത്ത് പലയിടങ്ങളിലും കഴിഞ്ഞദിവസങ്ങളില് അന്യസംസ്ഥാന തൊഴിലാളികള് പ്രതിഷേധവുമായി രംഗത്തെത്തിയിരുന്നു.