ശ്രീജ.എസ്
കളമശ്ശേരി: ഇ.എസ്.ഐ ആശുപത്രിയിലെ തിരക്ക് ആശങ്ക ഉയര്ത്തുന്നു. സമൂഹ അകലം ആരും പാലിക്കുന്നില്ല. സന്ദര്ശകരുടെ വിവരശേഖരണവും നടക്കുന്നില്ല. ലോക്ഡൗണ് ഇളവിനെത്തുടര്ന്ന് ഒ.പികള് സജീവമായതോടെ ദിവസവും നൂറുകണക്കിന് രോഗികളാണ് ആശുപത്രിയിലെത്തുന്നത്. ഇവര്ക്കൊപ്പം കൂട്ടിരിപ്പുകാര് വേറെയും. ഇവര്ക്ക് തെര്മല് പരിശോധന നടത്തുന്നുണ്ടെങ്കിലും ആരെല്ലാം വന്നുപോകുന്നെന്നുള്ള വിവരശേഖരണം നടക്കുന്നില്ല. കൂട്ടംകൂടി നില്ക്കാതിരിക്കാനുള്ള ക്രമീകരണവും ഇല്ല. അത്യാഹിത വിഭാഗം മുതല് ഒ.പികള് കൂടാതെ എക്സ്റേ, സ്കാന്, ലാബ് എന്നിവക്ക് മുന്നിലും തിരക്കാണ്.