ശ്രീജ. എസ്
ഹൈദരാബാദ്: ആന്ധ്രാപ്രദേശിലെ തിരുപ്പതി ക്ഷേത്രം പൊതുജനങ്ങള്ക്ക് ദര്ശനത്തിനായി തുറന്നു. കര്ശന നിയന്ത്രണങ്ങളോടെയാണ് ദര്ശനം അനുവദിച്ചിരിക്കുന്നത്. കഴിഞ്ഞ രണ്ടു ദിവസമായി നടത്തിയ ട്രയല് റണ് വിജയിച്ചതിനെത്തുടര്ന്നാണ് നടപടി. ലോക്ക്ഡൗണിനെ തുടര്ന്ന് കഴിഞ്ഞ 84 ദിവസം അടച്ചിട്ടതിനു ശേഷമാണ് ക്ഷേത്രം തുറന്നിരിക്കുന്നത്.
പൊതുജനങ്ങള്ക്കായുള്ള ഓണ്ലൈന് ടിക്കറ്റ് വിതരണവും പുനരാരംഭിച്ചിരുന്നു. തിരുപ്പതിയില് കൗണ്ടറിലും പ്രവേശന ടിക്കറ്റ് ലഭിക്കും. പ്രതിദിനം ആറായിരം പേര്ക്കാണ് പ്രവേശനം അനുവദിക്കുക. 3000 വീതം പാസുകള് ഓണ്ലൈനിലും കൗണ്ടറിലുമായി ലഭ്യമാകും. ജൂണ് 19ന് വരെയുള്ള ഓണ്ലൈന് ടിക്കറ്റുകള് നേരത്തെ തന്നെ തീര്ന്നിരുന്നു-തിരുമല തിരുപ്പതി ദേവസ്ഥാനം അറിയിച്ചു.