ശ്രീജ.എസ്
കോട്ടയം: തല്ക്കാലം ഒരുമുന്നണിയിലേക്കും ഇല്ലെന്ന് ജോസ് കെ. മാണി. ഉചിതമായ സമയത്ത് ഉചിതമായ തീരുമാനമെടുക്കുമെന്നും അദ്ദേഹം വ്യക്തമാക്കി. പാര്ട്ടി സ്റ്റിയറിംഗ് കമ്മിറ്റി യോഗത്തിനു ശേഷമാണ് അദ്ദേഹം പറഞ്ഞത്.
തല്ക്കാലം ഒരു മുന്നണിയിലേക്കും ഇല്ല. കര്ഷക പ്രശ്നങ്ങള് മുന്നിര്ത്തി സ്വതന്ത്രമായി മുന്നോട്ടുപോകുന്നതാണ്. മാണിയുടെ മരണത്തിനു ശേഷം പാര്ട്ടിയെ ഹൈജാക്ക് ചെയ്യാന് പി.ജെ ജോസഫ് ശ്രമിച്ചെന്നും ജോസ് ആരോപിക്കുകയും ചെയ്തു. കേരള കോണ്ഗ്രസ് എമ്മിനെ ജെ ആക്കാനായിരുന്നു ജോസഫ് ശ്രമിച്ചിരുന്നത്. എല്ലാവരെയും ഒന്നിച്ച് കൊണ്ടുപോകാന് യുഡിഎഫിന് ആയില്ല. യുഡിഎഫിനെ കെട്ടിപ്പടുത്ത പാര്ട്ടിയുടെ നേതാവിനെയാണ് പുറത്താക്കിയത്. തദ്ദേശസ്ഥാപന പദവിക്കായി 38 വര്ഷമായുള്ള ഹൃദയബന്ധം മുറിച്ചുമാറ്റിയെന്നും ജോസ് കൂട്ടിച്ചേര്ത്തു.