ശ്രീജ.എസ്
മഞ്ചേരി: മെഡിക്കല് കോളജ് ആശുപത്രിയില് ഗൈനക്കോളജി വിഭാഗത്തില് പുതിയ നിയമനങ്ങള് നടത്താത്തതിനാല് പുതിയ കേസുകള് റഫര് ചെയ്യുമെന്ന് ഗൈനക്കോളജി വിഭാഗം മേധാവി പ്രിന്സിപ്പലിന് കത്ത് നല്കി. ആശുപത്രിയിലേക്ക് പുതിയ ഡോക്ടര്മാരെ നിയമിക്കണമെന്നാവശ്യപ്പെട്ട് പലതവണ ഗൈനക്കോളജി വകുപ്പ് തലവന് ഡോ. കെ.ജെ. ജേക്കബ് ആരോഗ്യ വകുപ്പിന് കത്തെഴുതിയിരുന്നു. എന്നാല്, നടപടി ഒന്നും ആവാത്തതോടെയാണ് ബുധനാഴ്ച മുതല് കേസുകള് റഫര് ചെയ്യുമെന്ന് അറിയിച്ചത്. 15 ഡോക്ടര്മാര് ഉണ്ടായിരുന്നിടത്ത് നിലവില് മൂന്നുപേര് മാത്രമാണ് ജോലിയിലുള്ളത്.