ശ്രീജ.എസ്
ന്യൂഡല്ഹി : ഭാരതി എയര്ടെല് ലിമിറ്റഡിന്റെ പ്ലാറ്റിനം, വോഡഫോണ് ഐഡിയ ലിമിറ്റഡിന്റെ റെഡ് എക്സ് പ്രീമിയം പ്ലാനുകള് ടെലികോം റെഗുലേറ്ററി അതോറിറ്റി (ട്രായ്) തടഞ്ഞു. കൂടുതല് നെറ്റ്വര്ക്ക് സ്പീഡ് നല്കുന്ന പ്ലാനുകള് ആയിരുന്നു ഇത്. ഉയര്ന്ന നിരക്കിലാണ് ഈ പോസ്റ്റ്പെയ്ഡ് എത്തിയിരുന്നത്. അത്തരം സ്കീമുകള് മാനദണ്ഡങ്ങള് ലംഘിക്കുന്നുവെന്നും പദ്ധതികള്ക്ക് പുറത്തുള്ളവരുടെ സേവനങ്ങളുടെ ഗുണനിലവാരത്തെ ബാധിക്കുമെന്നും ചൂണ്ടിക്കാട്ടിയാണ് നിര്ത്തലാക്കിയത്.
പദ്ധതികള് സേവന മാനദണ്ഡങ്ങളുടെ ഗുണനിലവാരത്തിന്റെ ലംഘനമാണെന്ന് ട്രായ് പറഞ്ഞു . ഇത് നിലവിലുള്ള ഉപഭോക്താക്കളെ വലിയ രീതിയില് ബുദ്ധിമുട്ടിക്കുന്നതായും അവര് പറഞ്ഞു. എന്നാല് രണ്ട് ഓഫറുകളും നെറ്റ് ന്യൂട്രാലിറ്റിയുമായി ബന്ധപ്പെട്ട നിയമങ്ങളൊന്നും ലംഘിക്കുന്നില്ലെന്ന് ഒരു മുതിര്ന്ന ടെലികോം അനലിസ്റ്റ് പറഞ്ഞു, കാരണം ഒരാള്ക്ക് എല്ലായ്പ്പോഴും വിലയേറിയ സബ്സ്ക്രിപ്ഷനുകള്ക്കായി മികച്ച സേവനങ്ങള് വാഗ്ദാനം ചെയ്യാന് കഴിയും. വോഡഫോണ് ഐഡിയ ഇതുവരെ ഇതില് പ്രതികരിച്ചില്ല.