ശ്രീജ.എസ്
ന്യൂഡല്ഹി: സ്വകാര്യ ട്രെയിന് സര്വീസ് 2023 മാര്ച്ച് മുതല് ആരംഭിക്കാനാവുമെന്ന് കേന്ദ്രം. . മാര്ച്ച് 2021ഓടെ ടെന്ഡറുകള് അന്തിമമാക്കുകയും ട്രെയിനുകള് 2023 മാര്ച്ച് മുതല് സര്വീസ് നടത്തുകയും ചെയ്യുമെന്നും അധികൃതര് അറിയിച്ചു.
109 റൂട്ടുകളില്, 150 ട്രെയിനുകള് സ്വകാര്യവല്ക്കരിക്കാനുള്ള റെയില്വേ പദ്ധതിക്ക് യോഗ്യതാ ടെന്ഡറുകള് ഈ മാസമാദ്യം ക്ഷണിച്ചിരുന്നു. സെപ്റ്റംബര് 8 വരെ ടെന്ഡറുകള് നല്കാം. അടുത്തവര്ഷം മാര്ച്ചില് ടെന്ഡറുകള് ഉറപ്പിക്കുമെന്നു റെയില്വേ വൃത്തങ്ങള് പറഞ്ഞു. മുംബൈ, ഡല്ഹി, ചണ്ഡിഗഡ്, ഹൗറ, പട്ന, പ്രയാഗ്രാജ്, സെക്കന്തരാബാദ്, ജയ്പുര്, ചെന്നൈ, ബെംഗളൂരു ക്ലസ്റ്ററുകളില് ട്രെയിന് ഓടിക്കാനാണു ടെന്ഡറുകള് ക്ഷണിച്ചത്. 35 വര്ഷത്തേക്കാണു കരാര്.