കോട്ടയം മെഡിക്കല് കോളജ് പ്രസവവാര്ഡില് 13 കോവിഡ് രോഗികള്; 130 പേര് നിരീക്ഷണത്തില്
സിന്ധുമോള് ആര്
കോട്ടയം: മെഡിക്കല് കോളജ് ആശുപത്രിയില് ഗൈനക്കോളജി വിഭാഗത്തില് രോഗികളുടെ എണ്ണം ഉയരുന്നു. നേരത്തേ കോവിഡ് പോസിറ്റീവായ ആളുടെ സമീപ കിടക്കയില് ഉണ്ടായിരുന്ന ആളുടെ കൂട്ടിരിപ്പുകാരിക്കും രോഗം സ്ഥിരീകരിച്ചു. ഇതോടെ ഗൈനക്കോളജി വിഭാഗത്തിലെ കോവിഡ് ബാധിതരുടെ എണ്ണം പതിമൂന്നായി. 55 ഡോക്ടര്മാര് ഉള്പ്പെടെ 130 ആരോഗ്യപ്രവര്ത്തകര് നിരീക്ഷണത്തിലായി.
ഗൈനക്കോളജി വിഭാഗത്തിലെ രോഗികളെയും കൂട്ടിരിപ്പുകാരെയും ആരോഗ്യ പ്രവര്ത്തകരെയും പൂര്ണമായും കോവിഡ് പരിശോധനയ്ക്ക് വിധേയരാക്കും. 500 പേരുടെ സാംപിള് പരിശോധിക്കാനാണ് തീരുമാനം. ഗൈനക്കോളജി വിഭാഗത്തില് തിങ്കളാഴ്ച അണുനശീകരണം ആരംഭിച്ചിരുന്നു. 15 ജീവനക്കാര് ചേര്ന്നാണു മെഷീന് ഉപയോഗിച്ച് അണുനാശിനി തളിക്കുന്നത്.