ശ്രീജ.എസ്
തിരുവനന്തപുരം: കനത്ത മഴയും നീരൊഴുക്കും തുടരുന്ന പശ്ചാത്തലത്തില് നെയ്യാര് ഡാമിലെ ജലനിരപ്പ് ഉയരുന്നു. നിലവില് ഡാമിന്റെ നാല് ഷട്ടറുകളും ഉയര്ത്തിയിട്ടുണ്ട്. ഈ നാല് ഷട്ടറുകളും 10 സെന്റീമീറ്റര് കൂടി ഉയര്ത്തുമെന്ന് ജില്ലാ ഭരണകൂടം അറിയിച്ചു.
നെയ്യാറിന്റെ ഇരുകരകളിലും താമസിക്കുന്നവര് ജാഗ്രത പാലിക്കണമെന്നും നദിയില് ഇറങ്ങി കുളിക്കാനോ വസ്ത്രങ്ങള് അലക്കാനോ വളര്ത്തുമൃഗങ്ങളെ കുളിപ്പിക്കാനോ പാടില്ലെന്നും ജില്ലാ ഭരണകൂടം മുന്നറിയിപ്പില് വ്യക്തമാക്കിയിട്ടുണ്ട്.