![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
തിരുവനന്തപുരം: പൂജപ്പുര സെന്‍ട്രല്‍ ജയിലില്‍ 59 തടവുകാര്‍ക്ക് കൊവിഡ് സ്ഥിരീകരിച്ചു. 99പേരില്‍ നടത്തിയ ആന്റിജന്‍ പരിശോധനയിലാണ് രോഗം സ്ഥിരീകരിച്ചത്. കഴിഞ്ഞദിവസം ഒരു തടവുകാരന് കൊവിഡ് സ്ഥിരീകരിച്ചിരുന്നു. തുടര്‍ന്നാണ് ആന്റിജന്‍ പരിശോധന നടത്തിയത്. ഇയാളുടെ രോഗഉറവിടം വ്യക്തമല്ല എന്നാണ് അറിയുന്നത്. തടവുകാര്‍ക്ക് രോഗം സ്ഥിരീകരിച്ചത് കടുത്ത ആശങ്ക ഉയര്‍ത്തുകയാണ്. ഇപ്പോള്‍ത്തന്നെ തലസ്ഥാന ജില്ലയിലാണ് സംസ്ഥാനത്ത് ഏറ്റവും കൂടുതല്‍ കൊവിഡ് രോഗികളുളളത്. ഇന്നലെ 297 പേര്‍ക്കാണ് തലസ്ഥാനത്ത് രോഗം സ്ഥിരീകരിച്ചത്. 279 പേര്‍ക്ക് സമ്പ‌ര്‍ക്കം വഴിയാണ് രോഗബാധയുണ്ടായത്. ഉറവിടം അറിയാത്ത 11 കേസുകളും തലസ്ഥാനത്തുണ്ട്. 12 ആരോഗ്യ പ്രവര്‍ത്തകര്‍ക്കും ഇന്നലെ കൊവിഡ് സ്ഥിരീകരിച്ചു.
