അജിത് ജി. പിള്ള
ആനയടി :പന്തളം എൻ. എസ്. എസ്.കോളേജിലെ പൂർവ്വ വിദ്യാർത്ഥികളുടെ വാട്സാപ്പ് കൂട്ടായ്മയായ പക്ഷിക്കൂട്ടം കൃഷി കൂട്ടായ്മയ്ക്ക് തുടക്കം കുറിച്ചിരിക്കുന്നു. വിഷരഹിത പച്ചക്കറി ഉത്പാദനം, വിപണനം എന്നിവയാണ് ആദ്യ ലക്ഷ്യം.
കേരളത്തിന്റെ വിവിധ മേഖലകളിൽ ജോലി ചെയുന്നവർ,സംസ്ഥാനത്തിന് പുറത്തുള്ളവർ, വിദേശത്തുള്ളവർ, വീട്ടമ്മമ്മാർ, കർഷകർ എല്ലാം ഈ കൂട്ടായ്മയിൽ ഉണ്ട്.
സംസ്ഥാന സർക്കാർ ‘സുഭക്ഷ കേരള പദ്ധതി ‘യിൽ ഉൾപ്പെടുത്തിയ ഈ കൂട്ടായ്മയുടെ ആദ്യ സംരഭം ആനയടി ചിറയുടെ മനോഹരമായ തീരത്ത് രണ്ടര ഏക്കർ ഭൂമിയിൽ കൂട്ടുകാർ തന്നെ പച്ചക്കറി തൈകൾ നട്ടു കൊണ്ട് ആരംഭിച്ചു. വരും ദിവസങ്ങളിൽ കൊല്ലം, ആലപ്പുഴ, പത്തനംതിട്ട ജില്ലകളുടെ വിവിധ പ്രദേശങ്ങളിൽ കൃഷി വ്യാപിപ്പിക്കുക എന്നതാണ് പക്ഷിക്കൂട്ടത്തിന്റെ ലക്ഷ്യം.