സിന്ധുമോള് ആര്
ഷിംല : ഹിമാചല് പ്രദേശ് മുഖ്യമന്ത്രി ജയ്റാം താക്കൂറിന്റെ സുരക്ഷാചുമതലയുള്ള ഉദ്യോഗസ്ഥര്ക്ക് കോവിഡ് സ്ഥിരീകരിച്ചു. അഞ്ച് ഉദ്യോഗസ്ഥര്ക്കാണ് രോഗം സ്ഥിരീകരിച്ചതെന്ന് ചീഫ് മെഡിക്കല് ഓഫീസര് സുരേഖ ചോപ്ര അറിയിച്ചു. നേരത്തെ മുഖ്യമന്ത്രി ജയ്റാം താക്കൂര് ജൂലൈ 22 മുതല് ക്വാറന്റൈനില് പോയിരുന്നു . മുഖ്യമന്ത്രിയുടെ ഓഫീസിലെ ഡെപ്യൂട്ടി സെക്രട്ടറിക്ക് കോവിഡ് സ്ഥിരീകരിച്ചതിനെ തുടര്ന്നാണ് ജയ്റാം താക്കൂര് ക്വാറന്റൈനില് പോയത് . തുടര്ന്ന് നടത്തിയ പരിശോധനയില് മുഖ്യമന്ത്രിയും കുടുംബവും കോവിഡ് നെഗറ്റീവ് ആണെന്ന് കണ്ടെത്തി . ഹിമാചല് പ്രദേശ് ഊര്ജമന്ത്രി സുഖ്റാം ചൗധരി കോവിഡ് ബാധിച്ച് ചികിത്സയില് കഴിയുകയാണ് .