പൂജപ്പുര സെന്ട്രല് ജയിലില് കൊവിഡ് ഇന്ന് സ്ഥിരീകരിച്ചത് 114 പേര്ക്ക്, രോഗം ബാധിച്ചവരുടെ എണ്ണം 477
ശ്രീജ.എസ്
തിരുവനന്തപുരം: കടുത്ത ആശങ്ക ഉയര്ത്തി പൂജപ്പുര സെന്ട്രല് ജയിലില് 114 തടവുകാര്ക്കുകൂടി കൊവിഡ് സ്ഥിരീകരിച്ചു. ഇതോടെ കൊവിഡ് ബാധിച്ച തടവുകാരുടെ എണ്ണം 477 ആയി. ഇന്ന് 363പേരിലാണ് പരിശോധന നടത്തിയത്.
കഴിഞ്ഞ അഞ്ചുദിവസത്തിനിടെയാണ് ഇത്രയും പേര്ക്ക് സമ്പര്ക്കത്തിലൂടെ രോഗമുണ്ടായത് എന്നാണ് റിപ്പോര്ട്ട്. കൂടുതല് പേര്ക്ക് രോഗം സ്ഥിരീകരിച്ച സാഹചര്യത്തില് ജയിലിലെ മുഴുവന് തടവുകാരെയും പരിശോധനയ്ക്ക് വിധേയരാക്കും. കൊവിഡ് സ്ഥിരീകരിച്ചവരെ ജയിലിലെ ആഡിറ്റോറിയത്തില് പ്രത്യേകം സജ്ജീകരിച്ച ആശുപത്രിയില് പ്രവേശിപ്പിച്ചിരിക്കുകയാണ്. സെന്ട്രല് ജയിലില് ആദ്യമായി രോഗം സ്ഥീകരിച്ച കിളിമാനൂര് പുലിപ്പളളിക്കോണം ഉഴുന്നുവിള വീട്ടില് മണികണ്ഠന് കഴിഞ്ഞദിവസം മെഡിക്കല്കോളേജില് ചികിത്സയിലിരിക്കെ മരിച്ചിരുന്നു.