KeralaLatestThrissur

പറപ്പൂക്കര ഗ്രാമപഞ്ചായത്തിൽ കുടുംബശ്രീ ജനകീയ ഹോട്ടൽ ആരംഭിച്ചു

“Manju”

ബിന്ദുലാൽ തൃശ്ശൂർ

പറപ്പൂക്കര ഗ്രാമപഞ്ചായത്തിൽ കുടുംബശ്രീ ജനകീയ ഹോട്ടൽ ആരംഭിച്ചു. പുതിയ ഗ്രാമ പഞ്ചായത്ത് കെട്ടിടത്തിനോട് ചേർന്ന് നിർമ്മിച്ച ഇ.കെ. നായനാർ സ്മാരക മന്ദിരം കെട്ടിടത്തിലാണ് കുടുംബശ്രീ ജനകീയ ഹോട്ടൽ ആരംഭിച്ചത്.

ജനകീയ ഹോട്ടലിന്റ ഉദ്ഘാടനം പൊതു വിദ്യാഭ്യാസ വകുപ്പ് മന്ത്രി പ്രൊ സി.രവീന്ദ്രനാഥ് ഓൺലൈനായി നിർവ്വഹിച്ചു.

വനിതാ ക്ഷേമപദ്ധതിയിൽ ഉൾപ്പെടുത്തി രണ്ട് ഘട്ടങ്ങളിലായി 31,39,047 രൂപ ചെലവഴിച്ചാണ് കെട്ടിടം നിർമ്മിച്ചത്. 2019-20 വനിത ഘടകപദ്ധതിയിൽ ഉൾപ്പെടുത്തി രണ്ട് ലക്ഷം രൂപ ചിലവിട്ട് ഹോട്ടലിലേക്കാവശ്യമായ പാത്രങ്ങൾ വാങ്ങുന്നതിനും ഇതിനോടകം നടപടിയായിട്ടുണ്ട്. നാല് സി ഡി എസ് അംഗങ്ങളാണ് ജനകീയ ഹോട്ടലിൽ പ്രവർത്തിക്കുക.

ഒരേ സമയം 25 ഓളം ആളുകൾക്ക് ഭക്ഷണം കഴിക്കുവാനുള്ള സൗകര്യമുള്ളതാണ് ഹോട്ടൽ. 20 രൂപ ഉച്ചയൂണിനും പാഴ്‌സൽ ലഭിക്കുന്നതിന് 25 രൂപയുമാണ് ഈടാക്കുക. രാവിലെ 10 മുതൽ വൈകീട്ട് നാല് മണി വരെയാണ് ജനകീയ ഹോട്ടൽ പ്രവർത്തിക്കുക.

Related Articles

Back to top button