![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
ഇടുക്കി: തൊടുപുഴ വെങ്ങല്ലൂരിൽ വന്‍ ലഹരിമരുന്ന് വേട്ട. 50 കിലോ കഞ്ചാവും 6 കപ്പി ഹാഷിഷ് ഓയിലുമാണ് എക്‌സൈസ് സംഘം പിടികൂടിയത്. കേസില്‍ ഒരാള്‍ പിടിയിലായിട്ടുണ്ട്. കാറിലുണ്ടായിരുന്ന കരിമണ്ണൂര്‍ സ്വദേശി ഹാരിസ് മുഹമ്മദാണ് പിടിയിലായത്.
വെങ്ങല്ലൂര്‍-കോലാനി ബൈപ്പാസില്‍ വാഹന പരിശോധന നടത്തുകയായിരുന്ന എക്‌സൈസ് സംഘത്തെ കണ്ട് ഹാരിസ് കാര്‍ നിര്‍ത്താതെ പോയി. പിന്തുടര്‍ന്നെത്തിയ എക്‌സൈസ് ഉദ്യോഗസ്ഥര്‍ വെങ്ങല്ലൂര്‍ സിഗ്‌നലിന് സമീപത്തുവെച്ച്‌ കാര്‍ തടഞ്ഞു. തുടര്‍ന്ന് നടത്തിയ പരിശോധനയില്‍ വാഹനത്തിന്റെ ഡിക്കിയില്‍ ഒളിപ്പിച്ച നിലയില്‍ കഞ്ചാവ് കണ്ടെത്തുകയായിരുന്നു.
