റിവേര്സില് പ്രായം ഓടിയാല് എനിക്കാദ്യം വയസ്സാവുമല്ലോ; വാപ്പിച്ചിക്ക് ആയുരാരോഗ്യം ആശംസിച്ച് ദുല്ഖര്
മലയാളത്തിന്റെ മഹാനടന് മമ്മൂട്ടിയുടെ അറുപത്തിയൊമ്പതാം ജന്മദിനമാഘോഷിക്കുകയാണ് കേരളക്കര ഇന്ന്. സമൂഹമാധ്യമങ്ങളിലെല്ലാം തങ്ങളുടെ പ്രിയപ്പെട്ട നടനു ജന്മദിനമാഘോഷിക്കാനുള്ള തിരക്കാണ്. മമ്മൂട്ടിയ്ക്ക് പിറന്നാള് ആശംസിച്ചുകൊണ്ടുള്ള മകന് ദുല്ഖര് സല്മാന്റെ വാക്കുകളും ചിത്രവുമാണ് ഇപ്പോള് സമൂഹമാധ്യമങ്ങളുടെ ശ്രദ്ധേയമാകുന്നത്.
“എന്റെ വാപ്പിച്ചിക്ക് ജന്മദിനാശംസകള്! എനിക്കറിയാവുന്ന ഏറ്റവും ബുദ്ധിമാനും അച്ചടക്കമുള്ളവനുമായ മനുഷ്യന്. എന്തിനും ഏതിനും എനിക്ക് സമീപിക്കാവുന്നവന്. എപ്പോഴും എന്നെ കേട്ട് എന്നെ ശാന്തമാക്കുന്നവന്. നിങ്ങളാണ് എന്റെ സമാധാനവും സെന്നും. നിങ്ങളുടെ അതുല്യമായ മാനദണ്ഡങ്ങള്ക്ക് അനുസരിച്ച് ജീവിക്കുവാന് ഞാന് എല്ലാ ദിവസവും ശ്രമിക്കുകയാണ്. ഈ സമയം നിങ്ങളോടൊപ്പം ചെലവഴിക്കാനാവുന്നനത് ഏറ്റവും വലിയ ഭാഗ്യമാണ്. ഞങ്ങള്ക്കെല്ലാവര്ക്കും. നിങ്ങളെ മറിയത്തിനൊപ്പം കാണുന്നത് തന്നെ എനിക്കെന്ത് സന്തോഷമാണ്. സന്തോഷ ജന്മദിനം. നിങ്ങള് ചെറുപ്പമാവുന്തോറും തലമുറകളെ പ്രചോദിപ്പിക്കുന്നത് തുടരൂ. ഞങ്ങള് നിങ്ങളെ അനന്തമായി സ്നേഹിക്കുന്നു.”