അറസ്റ്റിലായ വിരേൻ ഖന്നയുടെ വീട്ടിൽ പൊലീസ് യൂണിഫോം

ഡൽഹിയിൽ നിന്ന് അറസ്റ്റ് ചെയ്ത് ബെംഗളൂരുവിലെത്തിച്ച, നിശാപാർട്ടി സംഘാടകനും വ്യാപാരിയുമായ വിരേൻ ഖന്നയുടെ ബെംഗളൂരു ശാന്തിനഗറിലെ വസതിയിലും റെയ്ഡ് നടന്നു. ഇയാളുടെ വീട്ടിൽനിന്ന് കർണാടക പൊലീസിന്റെ ഒരു ജോടി യൂണിഫോം കണ്ടെടുത്തിട്ടുണ്ട്.

കഴിഞ്ഞ ദിവസം അറസ്റ്റിലായ നടി രാഗിണി ദ്വിവേദിയെ ചോദ്യം ചെയ്യുന്നതു തുടരുകയാണ്. കേസിൽ അറസ്റ്റിലായ സെനഗൽ പൗരൻ ലോം പെപ്പർ സാംബയിൽ നിന്ന് ലഹരി വാങ്ങിയിരുന്നതായും കണ്ടെത്തിയിട്ടുണ്ട്. 2018 ൽ അറസ്റ്റിലായ ലോം ജാമ്യത്തിലിറങ്ങി വീണ്ടും ലഹരി ഇടപാടു നടത്തുകയായിരുന്നു.