നാളെ….നാളെയാണ് ഓണം ബമ്പര്‍ നറുക്കെടുപ്പ്…….

സിന്ധുമോള്‍ ആര്‍​
തിരുവനന്തപുരം: തിരുവോണം ബമ്പര്‍ ഭാഗ്യക്കുറി നറുക്കെടുപ്പ് സെപ്റ്റംബര്‍ 20ന് നടക്കും. നാല് ഘട്ടങ്ങളിലായി അച്ചടിച്ച 42 ലക്ഷം ടിക്കറ്റുകളും വിറ്റു തീര്‍ന്നു. തുടര്‍ന്ന് 2.1 ലക്ഷം ടിക്കറ്റുകള്‍ കൂടി അടിയന്തരമായി അച്ചടിച്ച്‌ വിതരണത്തിനെത്തിച്ചു.
2കോടി രൂപയാണ് ഒന്നാം സമ്മാനം. രണ്ടാം സമ്മാനം ഒരു കോടി രൂപ വീതം അറ് പേര്‍ക്കും മൂന്നാം സമ്മാനം 10 ലക്ഷം രൂപ വീതം 12 പേര്‍ക്കും ലഭിക്കും. നാലാം സമ്മാനമായി 12 പേര്‍ക്ക് അഞ്ച് ലക്ഷം രൂപ വീതം ലഭിക്കും. ഒരു ലക്ഷം, 5000, 3000, 2000, 1000 രൂപയുടെ മറ്റ് അനവധി സമ്മാനങ്ങളുമുണ്ട്. 300 രൂപയാണ് ടിക്കറ്റ് വില. തിരുവനന്തപുരം വാന്‍റോസ് ജംഗ്ഷനിലെ ഗോര്‍ഖി ഭവനില്‍ ഉച്ചയ്ക്ക് രണ്ടിനാണ് നറുക്കെടുപ്പ്. തിരുവോണം ബമ്ബറിന്റെ 46 ലക്ഷം ടിക്കറ്റുകളാണ് കഴിഞ്ഞ വര്‍ഷം വിറ്റത്. 2017ല്‍ വിറ്റഴിഞ്ഞ 65 ലക്ഷം ടിക്കറ്റുകളാണ് തിരുവോണം ബമ്പറിന്റെ റക്കോര്‍ഡ് വില്പന.