തോല്വിക്ക് പിന്നാലെ കോലിക്ക് വന്തുക പിഴശിക്ഷയും.!
സിന്ധുമോള് ആര്
ദുബായ്: കിംഗ്സ് ഇലവന് പഞ്ചാബിനെതിരെ എല് മത്സരത്തിലുണ്ടായ കനത്ത തോല്വിക്ക് പിന്നാലെ റോയല് ചലഞ്ചേഴ്സ് ബംഗളൂരുവിന് അടുത്ത തിരിച്ചടി. മത്സരത്തില് ഫീല്ഡിലും, ബാറ്റിംഗിലും പരാജയപ്പട്ട ആര്സിബി ക്യാപ്റ്റന് വീരാട് കോലിക്ക് 12 ലക്ഷം രൂപ പിഴ.
ഐപിഎല്ലില് കിംഗ്സ് ഇലവന് പഞ്ചാബിനെതിരായ മല്സരത്തിലെ മോശം ഓവര് നിരക്കിന്റെ പേരിലാണ് കോലിക്ക് 12 ലക്ഷം രൂപ പിഴ. ക്യാപ്റ്റന് കെ.എല്.രാഹുലിന്റെ ബാറ്റിംഗ് മികവില് മത്സരം പഞ്ചാബ് 97 റണ്സിന് ജയിച്ചിരുന്നു. മത്സരത്തില് ബാറ്റിംഗിന് ഇറങ്ങിയ കോലിക്ക് 1 റണ് മാത്രമാണ് നേടാന് സാധിച്ചത്.
ഐപിഎല് പതിമൂന്നാം എഡിഷനിലെ ആദ്യ സെഞ്ചുറിയുമായി രാഹുല് കളം നിറഞ്ഞപ്പോള് കിംഗ്സ് ഇലവണ് 20 ഓവറില് മൂന്നിന് 206 റണ്സിലെത്തി. 17 ഓവറില് 109 റണ്സിന് റോയല് ചലഞ്ചേഴ്സിനെ കിംഗ്സ് ഇലവണ് എറിഞ്ഞിടുകയും ചെയ്തു. 27 പന്തില് 30 റണ്സ് നേടിയ വാഷിംഗ്ടണ് സുന്ദര് ആണ് റോയല് ചലഞ്ചേഴ്സ് ഇന്നിംഗ്സിലെ ടോപ് സ്കോറര്.