ശ്രീജ.എസ്
കാര്ഷിക ബില്ലിനെതിരായ പ്രക്ഷോഭത്തിന്റെ ഭാഗമായി ചണ്ഡിഗഡിലേക്ക് കടക്കാന് ശ്രമിച്ച മുന് കേന്ദ്രമന്ത്രി ഹര്സിമ്രത് കൗര് അറസ്റ്റില്. വ്യാഴാഴ്ച രാത്രി 11.30 ന് ആയിരുന്നു ഹര്സിമ്രത് കൗറിനെ പഞ്ചാബ് പോലീസ് അറസ്റ്റ് ചെയ്തത്. ശിരോമണി അകാലിദള് തലവന് സുഖ്ബീര് സിംഗ് ബാദല്, പ്രേംസിംഗ് ചന്ദു മാജ്ര എന്നിവരും അറസ്റ്റിലായി.
കര്ഷകരുടെ അവകാശങ്ങള്ക്ക് വേണ്ടി ശബ്ദം ഉയര്ത്തിയതിന്റെ പേരിലാണ് തങ്ങള് അറസ്റ്റിലായിരിക്കുന്നതെന്ന് ഹര്സിമ്രത് കൗര് ബാദല് ട്വിറ്ററിലൂടെ പ്രതികരിച്ചു. തങ്ങള് സത്യത്തിന്റെ മാര്ഗത്തിലാണെന്നും ഒരു ശക്തിക്കും തങ്ങളെ നിശബ്ദരാക്കാന് സാധിക്കില്ലെന്നും ഹര്സിമ്രത് കൗര് ബാദല് ട്വീറ്റ് ചെയ്തു.