IndiaKeralaLatestThiruvananthapuram
അതിര്ത്തിയിലേക്ക് പാക്കിസ്ഥാന് കടത്താന് ശ്രമിച്ച ആയുധങ്ങള് പിടിച്ചെടുത്തു
സിന്ധുമോൾ. ആർ
ശ്രീനഗര്: അതിര്ത്തിയിലേക്ക് പാക്കിസ്ഥാന് കടത്താന് ശ്രമിച്ച ആയുധങ്ങള് പിടിച്ചെടുത്തു. ജമ്മു കഷ്മീരിലെ കേരന് സെക്ടറിലെ നിയന്ത്രണ രേഖയില് കൂടി കടത്തിവിടാനുള്ള ശ്രമമാണ് ഇന്ത്യന് സൈന്യം പരാജയപ്പെടുത്തിയത്. നാല് ബാഗുകളിലായി ഒളിപ്പിച്ച നാല് എകെ 47 തോക്കുകളും വെടിയുണ്ടകളുമാണ് പിടികൂടിയത്. കിഷെംഗംഗ നദിക്ക് കുറുകെ ഒരു കയറില് കെട്ടിയിരിക്കുന്ന ട്യൂബില് കൂടി രണ്ട് മൂന്ന് ആളുകള് ചില സാധനങ്ങള് അതിര്ത്തിയിലേക്ക് കടത്തുന്നത് ശ്രദ്ധയില്പ്പെട്ട സൈന്യം ഉടന് പ്രദേശം വളയുകയും ഇവ പിടികൂടുകയുമായിരുന്നു. പ്രദേശത്ത് തെരച്ചില് പുരോഗമിക്കുകയാണെന്ന് സൈന്യം അറിയിച്ചു.