India
2050 ഓടെ ഇന്ത്യ ലോകത്തെ മൂന്നാമത്തെ വലിയ സാമ്പത്തിക ശക്തിയാവുമെന്ന് പഠന റിപ്പോർട്ട്
ശ്രീജ.എസ്
ന്യൂഡല്ഹി: 2050ഓടെ ഇന്ത്യ ലോകത്തെ മൂന്നാമത്തെ വലിയ സാമ്പത്തിക ശക്തിയാകുമെന്ന് പഠനം. യു.എസ്.എ, ചൈന എന്നിവക്ക് പിന്നാലെ ഇന്ത്യ മൂന്നാമതെത്തുമെന്നാണ് ലാന്സെറ്റ് ജേണലിലെ പഠനം വ്യക്തമാക്കുന്നത്.
തൊഴിലിടങ്ങളിലുള്ള ജനസംഖ്യയുടെ വളര്ച്ചയും ജി.ഡി.പിയും അടിസ്ഥാനമാക്കിയാണ് പഠനം നടത്തിയിരിക്കുന്നത്. 2017ല് ഇന്ത്യ ഏഴാമത്തെ വലിയ സാമ്പത്തിക ശക്തിയായിരുന്നു. 2030ല് ജപ്പാനെ മറികടന്ന് ഇന്ത്യ നാലാം സ്ഥാനത്തേക്ക് കുതിക്കും. 2050ഓടെ മൂന്നാം സ്ഥാനത്തേക്ക് ഇന്ത്യന് സമ്ബദ്വ്യവസ്ഥയെത്തുമെന്നാണ് പഠനം വ്യക്തമാക്കുന്നത്.
കോവിഡ് 19 മൂലം ഇന്ത്യന് സമ്പദ്വ്യവസ്ഥ കടുത്ത പ്രതിസന്ധിയെ അഭിമുഖീകരിക്കുമ്പോഴാണ് പുതിയ പഠനം പുറത്ത് വരുന്നത്.