IndiaKeralaLatestThiruvananthapuram

താമസ വിസ കാ​ലാ​വ​ധി അ​വ​സാ​നി​ച്ചു; ഇ​നി​മു​ത​ല്‍ പി​ഴ

“Manju”

സിന്ധുമോൾ. ആർ.

ദുബൈ: താമസ വിസക്കാര്‍ക്ക് യു.എ.ഇ​ നീട്ടിനല്‍കിയ സൗജന്യ കാലാവധി അവസാനിച്ചു. മാര്‍ച്ച്‌​ ഒന്നിനും ജൂലൈ 12നും ഇടക്ക്​ കാലാവധി കഴിഞ്ഞ താമസ വിസക്കാര്‍ക്ക്​ ഒക്​ടോബര്‍ 10 വരെയായിരുന്നു കാലാവധി നീട്ടിനല്‍കിയിരുന്നത്​.ഇത്​ അവസാനിച്ചതോടെ ഇനിയും വിസ പുതുക്കാതെ രാജ്യത്ത്​ തുടരുന്നവര്‍ക്ക്​ പിഴ അടക്കേണ്ടിവരും. വിസിറ്റിങ്​ വിസക്കാരുടെ സൗജന്യ കാലാവധി കഴിഞ്ഞമാസം അവസാനിച്ചിരുന്നു. ശേഷവും രാജ്യത്ത്​ തങ്ങിയവരില്‍നിന്ന്​ 10 ദിവസത്തിനു ശേഷമാണ്​ പിഴ ഈടാക്കിത്തുടങ്ങിയത്​. താമസ വിസക്കാര്‍ക്ക്​ ഇത്തരം ഇളവ്​ ലഭിക്കുമോ എന്ന കാര്യത്തില്‍ വ്യക്തതയില്ല.

​ജൂലൈ 12ന്​ ശേഷം വിസ കാലാവധി അവസാനിച്ചവരില്‍നിന്ന്​ നേരത്തേ തന്നെ പിഴ ഈടാക്കിത്തുടങ്ങിയിരുന്നു. ഇവര്‍ക്ക്​ ഒരു മാസമാണ്​ ഗ്രേസ്​ പീരിയഡ്​ നല്‍കിയിരുന്നത്​. ഈ തീയതിയും കഴിഞ്ഞ്​ വിസ പുതുക്കാതെ രാജ്യത്ത്​ തുടരുന്നവരില്‍നിന്നാണ്​ പിഴ ഈടാക്കുന്നത്​. വിസ തീയതി കഴിഞ്ഞ ദിവസം മുതല്‍ ഒരു മാസത്തെ ഗ്രേസ്​ പീരിയഡിന്​ ശേഷമുള്ള ദിവസങ്ങളിലെ പിഴയാണ്​ ഈടാക്കുന്നത്​. ആദ്യ ദിവസം 125 ദിര്‍ഹമും പിന്നീടുള്ള ഓരോ ദിവസവും 25 ദിര്‍ഹം വീതവുമാണ്​ പിഴ. ആറുമാസം കഴിഞ്ഞാല്‍ ഇത്​ 50 ദിര്‍ഹമായി ഉയരും. എമിറേറ്റ്​സ്​ ഐ.ഡിയുടെ പിഴ വേറെയും അടക്കേണ്ടിവരുമെന്നും സൂചനയുണ്ട്​. ഇവര്‍ക്ക്​ പിഴ ഒഴിവാക്കാന്‍ വ്യക്തമായ കാരണമുണ്ടെങ്കില്‍ ജി.ഡി.ആര്‍.എഫ്​.എ അധികൃതരെ സമീപിക്കാം.

മാനുഷിക പരിഗണന നല്‍കേണ്ടവരാണെന്ന്​ അധികൃതര്‍ക്ക്​ ബോധ്യപ്പെട്ടാല്‍ ആവശ്യമായ നടപടികള്‍ കൈക്കൊള്ളാന്‍ സാധ്യതയുണ്ട്​.കോവിഡ്​ വ്യാപനം തുടങ്ങിയതോടെയാണ്​ യു.എ.ഇ സൗജന്യമായി വിസ കാലാവധി നീട്ടിനല്‍കിയത്​.വിമാന മാര്‍ഗങ്ങള്‍ അടഞ്ഞതോടെ എങ്ങനെ നാടണയും എന്ന്​ ആശങ്കപ്പെട്ടവര്‍ക്ക്​ ഏറെ ആശ്വാസമായിരുന്നു ഈ തീരുമാനം. അതേസമയം, മാര്‍ച്ച്‌​ ഒന്നിനുമുമ്പ് വിസ കാലാവധി അവസാനിച്ചവര്‍ക്ക്​ നവംബര്‍ 17 വരെ രാജ്യത്ത്​ തുടരാം. ഇവര്‍ക്ക്​ പൊതുമാപ്പിന്റെ ആനുകൂല്യമാണ്​ ലഭിക്കുക. അതേസമയം, ഭൂരിപക്ഷം താമസവിസക്കാരും നാട്​ വിടുകയോ വിസ പുതുക്കുകയോ ചെയ്​തിട്ടുണ്ട്​. കേസോ ആരോഗ്യ പ്രശ്​നങ്ങളോ മൂലം നാടണയാന്‍ കഴിയാത്തവരാണ്​ ഇനിയും വിസ പുതുക്കാതെ തങ്ങുന്നത്​.

Related Articles

Back to top button