![“Manju”](https://santhigirinews.org/wp-content/uploads/2020/04/YOUTUBE.jpg")
ബിന്ദുലാല്‍ തൃശ്ശൂര്‍
റോഡുകളുടെയും പാലങ്ങളുടെയും നിര്‍മ്മാണം മത്രമല്ല കായിക മേഖലയുടേതുള്‍പ്പെടെ സമഗ്ര വികസനമാണ് സര്‍ക്കാര്‍ വിഭാവനം ചെയ്യുന്നതെന്ന് തദ്ദേശ സ്വയംഭരണ വകുപ്പ് മന്ത്രി എ സി മൊയ്തീന്‍.കായിക മേഖലയുടെ വളര്‍ച്ചയ്ക്ക് വാടാനപ്പള്ളി ഗ്രാമപഞ്ചായത്ത് നടത്തുന്ന പ്രവര്‍ത്തനങ്ങള്‍ മാതൃക പരമെന്നും മന്ത്രി പറഞ്ഞു. എ കെ ജി മിനി സ്റ്റേഡിയം ഇന്റര്‍നാഷണല്‍ സെവന്‍സ് ടര്‍ഫാക്കി മാറ്റുന്നതിന്റെ നിര്‍മ്മാണോദ്ഘാടനം വീഡിയോ കോണ്‍ഫറന്‍സിലൂടെ നിര്‍വ്വഹിച്ച് സംസാരിക്കുകയായിരുന്നു അദ്ദേഹം.
വാടാനപ്പള്ളി ഗ്രാമപഞ്ചായത്തിന്റെ 2020-21 വര്‍ഷത്തെ വാര്‍ഷിക പദ്ധതിയില്‍ ഉള്‍പ്പെടുത്തി 45 ലക്ഷം രൂപ അടങ്കല്‍ തുക വകയിരുത്തിയാണ് എ.കെ.ജി മിനി സ്റ്റേഡിയം ഇന്റര്‍നാഷ്ണല്‍ ടര്‍ഫാക്കി മാറ്റുന്നത്. മുരളി പെരുനെല്ലി എം എല്‍ എ അധ്യക്ഷനായി. ജില്ലാ പഞ്ചായത്ത് ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ മഞ്ജുള അരുണന്‍ മുഖ്യാതിഥിയായി. തളിക്കുളം ബ്ലോക്ക് പഞ്ചായത്ത് പ്രസിഡന്റ് സുഭാഷിണി മഹാദേവന്‍, ജില്ലാ സപോര്‍ട്‌സ് കൗണ്‍സില്‍ പ്രസിഡന്റ് കെ.ആര്‍. സാംബശിവന്‍, പഞ്ചായത്ത് പ്രസിഡന്റ് ഷിജിത്ത് വടുക്കുംഞ്ചേരി എന്നിവര്‍ പങ്കെടുത്തു.
