![“Manju”](https://santhigirinews.org/wp-content/uploads/2020/04/YOUTUBE.jpg")
സിന്ധുമോൾ. ആർ
കേരളത്തില്‍ വരും ദിവസങ്ങളില്‍ ശക്തമായ മഴയ്ക്ക് സാധ്യത; മുന്നറിയിപ്പുമായി കാലാവസ്ഥാ വകുപ്പ്
തിരുവനന്തപുരം: കേരളത്തില്‍ വരും ദിവസങ്ങളില്‍ ശക്തമായ മഴയ്ക്ക് സാധ്യതയെന്ന മുന്നറിയിപ്പുമായി കാലാവസ്ഥാ വകുപ്പ്. ഇതിന്റെ അടിസ്ഥാനത്തില്‍ സംസ്ഥാനത്തെ വിവിധ ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. നവംബര്‍ 17, 18 തീയതികളില്‍ ഒറ്റപ്പെട്ട ശക്തമായ മഴയ്ക്കുള്ള സാധ്യത കണക്കിലെടുത്ത് കോട്ടയം, എറണാകുളം, ഇടുക്കി, മലപ്പുറം, കോഴിക്കോട്, വയനാട് ജില്ലകളിലാണ് യെല്ലോ അലര്‍ട്ട് പ്രഖ്യാപിച്ചിരിക്കുന്നത്. ഇടിയോടുകൂടിയ ശക്തമായ മഴയും അപകട സാധ്യതയും കണക്കിലെടുത്ത് കാലാവസ്ഥാ വകുപ്പ് ഇടിമിന്നല്‍ ജാഗ്രതാ നിര്‍ദേശം പുറപ്പെടുവിച്ചിട്ടുണ്ട്. ഉച്ചയ്ക്കു ശേഷം രണ്ടു മണി മുതല്‍ രാത്രി പത്തു വരെയുള്ള സമയത്താണ് ഇടിമിന്നല്‍ സാധ്യത. ചില ദിവസങ്ങളില്‍ ഇത് രാത്രി വൈകിയും തുടര്‍ന്നേക്കാമെന്നും കാലാവസ്ഥാ വകുപ്പ് അറിയിക്കുന്നു.മലയോര മേഖലയില്‍ ഇടിമിന്നല്‍ സജ്ജീവമാകാനും അതുവഴി നിരവധി നാശ നഷ്ടങ്ങള്‍ ഉണ്ടാകാനുമുള്ള സാധ്യതകള്‍ ഏറെയാണ്. അപകടകാരികളായ ഇത്തരം ഇടിമിന്നലുകളെ സംസ്ഥാന ദുരന്ത നിവാരണ അതോറിറ്റി സംസ്ഥാന വിശേഷദുരന്തമായി പ്രഖ്യാപിച്ചിച്ചുള്ളതാണ്. അതിനാല്‍ വരും ദിവങ്ങളില്‍ മഴയ്ക്കുള്ള സാധ്യതകള്‍ കാണുമ്പോഴേ ആവശ്യമായ മുന്‍കരുതല്‍ നടപടികള്‍ സ്വീകരിച്ച്‌ സുരക്ഷിതരായിരിക്കേണ്ടതാണ്.
