സിന്ധുമോൾ. ആർ
ന്യൂഡല്ഹി: നടിയെ ആക്രമിച്ച കേസില് വിചാരണക്കോടതി മാറ്റണമെന്ന സര്ക്കാര് ആവശ്യത്തിനെതിരെ നടന് ദിലീപ് സുപ്രീംകോടതിയെ സമീപിച്ചു. ഇത് സംബന്ധിച്ച് നടന് സുപ്രീംകോടതിയില് തടസ ഹര്ജി ഫയല് ചെയ്തു.നേരത്തെ, വിചാരണക്കോടതി മാറ്റണമെന്ന സര്ക്കാരിന്റെയും ആക്രമിക്കപ്പെട്ട നടിയുടെയും ഹര്ജി ഹൈക്കോടതി തള്ളിയിരുന്നു. ഇതിനെതിരെയാണ് സര്ക്കാര് സുപ്രീംകോടതിയെ സമീപിച്ചത്.
തന്റെ വാദം കേള്ക്കാതെ സര്ക്കാരിന്റെ ഹര്ജിയില് വിധി പറയരുതെന്ന് ദിലീപ് സുപ്രീംകോടതിയില് ആവശ്യപ്പെട്ടു. വിചാരണക്കോടതി പക്ഷപാതപരമായാണ് പെരുമാറുന്നതെന്നെന്നാണ് പ്രോസിക്യൂഷന് ഹൈക്കോടതിയില് പരാതി ഉന്നയിച്ചത്.