പാനൂരില് പരക്കെ അക്രമം
പാനൂര്: തെരഞ്ഞെടുപ്പിനെ തുടര്ന്ന് പാനൂര് മേഖലയില് പരക്കെ അക്രമം. പാലത്തായില് യു.ഡി.എഫ് പ്രകടനത്തിനുനേരെ അക്രമം നടന്നു. രണ്ട് കോണ്ഗ്രസ് പ്രവര്ത്തകര്ക്ക് പരിക്കേറ്റു. ലീഗ് വിമത മത്സരിച്ച പാലത്തായി ഏഴാം വാര്ഡില് വിജയിച്ച യു.ഡി.എഫ് സ്ഥാനാര്ഥി പ്രീത അശോകിന്റെ വിജയാഹ്ലാദ പ്രകടനത്തിന് നേരെയാണ് തിരുവങ്ങോത്ത് സംഘര്ഷമുണ്ടായത്.
മത്തത്ത് അശോകന് (64), കല്ലം കുന്നുമ്മല് ഉപേഷ് (30) എന്നിവര്ക്ക് പരിക്കേറ്റു. ഇരുവരേയും തലശ്ശേരിയിലെ സ്വകാര്യ ആശുപത്രിയില് പ്രവേശിപ്പിച്ചു. പാനൂര് പൊലീസില് പരാതി നല്കി. യൂത്ത് കോണ്ഗ്രസ് ജില്ല സെക്രട്ടറി കെ. ഷിബിനയുടെ വീടിനു നേരെയും അക്രമം നടത്തി.