സിന്ധുമോൾ. ആർ
രാജ്യത്ത് കുട്ടികള്ക്ക് കോവിഡ് വാക്സിന് നല്കേണ്ടതില്ലെന്ന് കേന്ദ്ര സര്ക്കാര്. നിലവിലെ സ്ഥിതികളും തെളിവുകളും അനുസരിച്ച് കുട്ടികള്ക്ക് വാക്സിന് നല്കേണ്ട ആവശ്യമില്ലെന്ന് നീതി ആയോഗ് അംഗം ഡോ. എംകെ പോള് പറഞ്ഞു. ബ്രിട്ടനില് കണ്ടെത്തിയ കോവിഡ് വൈറസിന്റെ വകഭേദവുമായി ബന്ധപ്പെട്ട് വാര്ത്ത സമ്മേളനത്തില് സംസാരിക്കുകയായിരുന്നു അദ്ദേഹം.
ബ്രിട്ടനില് കണ്ടെത്തിയ വകഭേദം സംഭവിച്ച കോവിഡ് വൈറസിന്റെ സാന്നിധ്യം ഇന്ത്യയില് ഇതുവരെ കണ്ടെത്തിയിട്ടില്ലെന്നും വികെ പോള് പറഞ്ഞു. പുതിയ ശ്രേണിയിലെ വൈറസ് ഇന്ത്യയില് നിലവില് വികസിപ്പിച്ചുകൊണ്ടിരുന്ന വാക്സിനുകളെ ബാധിക്കില്ല. വൈറസിനുണ്ടായ ഈ ജനിതക വ്യതിയാനം മാരകമല്ലെന്നും രോഗത്തിന്റെ കാഠിന്യം വര്ധിപ്പിക്കില്ലെന്നും അദ്ദേഹം കൂട്ടിച്ചേര്ത്തു.