ഒറ്റപ്പാലം: സര്ക്കാര് ആശുപത്രിയുടെ പരിമിതികള്ക്കിടയിലും ഒറ്റപ്പാലം താലൂക്ക് ആശുപത്രിയില് മുട്ട് മാറ്റിവെക്കല് ശസ്ത്രക്രിയകളുടെ 100 പൂര്ത്തിയാക്കിയ ഡോ. എം. രാജേഷിന് നാടിന്റെ ആദരം.
നൂറ്റാണ്ട് പിന്നിട്ട കോറണേഷന് ക്ലബിെന്റ നേതൃത്വത്തില് സി.എസ്.എന് ട്രസ്റ്റ്, ബാര് അസോസിയേഷന്, ഐ.എം.എ വള്ളുവനാട് ശാഖ, ഷാഡോസ് ക്ലബ്, ലയണ്സ് ക്ലബ്, റോട്ടറി ക്ലബ്, വ്യാപാരി വ്യവസായി ഏകോപന സമിതി യൂനിറ്റ് എന്നീ സംഘടനകള് ചേര്ന്നാണ് പരിപാടി സംഘടിപ്പിച്ചത്. കവിയും അഭിഭാഷകനുമായ പി.ടി. നരേന്ദ്ര മേനോന് ഉദ്ഘാടനം ചെയ്തു. കോറണേഷന് ക്ലബ് സെക്രട്ടറി അഡ്വ. സി.എ. ജയപ്രകാശ് അധ്യക്ഷത വഹിച്ചു.
ഇ.പി. ചിത്രേഷ് നായര്, അഡ്വ. പി.എന്. ബാലഗോപാല്, ഡോ. ബിനോയ് പി. ജോണ്, കേണല് ടി. രാംകുമാര്, കെ. പ്രമോദ്കുമാര്, വിനോദ് അമ്ബാടി, ടി.എ. മുസ്തഫ ഹാജി, എ.സി. ആശാനാഥ്, ഫിറോസ് കെ. പടിഞ്ഞാര്ക്കര എന്നിവര് സംസാരിച്ചു. 2016ല് താലൂക്ക് ആശുപത്രിയില് ജോലിയില് പ്രവേശിച്ചതുമുതല് നാലുവര്ഷം കൊണ്ട് നേടിയെടുത്തതാണ് ഈ നേട്ടം. പരപ്പനങ്ങാടി സ്വദേശിയാണ് അസ്ഥിരോഗ വിദഗ്ധനായ ഡോ. രാജേഷ്.