ശ്രീജ.എസ്
ചെന്നൈ : കമല ഹാസന് വന് തിരിച്ചടി. മക്കള് നീതി മയ്യം (എംഎന്എം) ജനറല് സെക്രട്ടറി ബിജെപിയില് ചേര്ന്നു. മക്കള് നീതി മയ്യത്തിലെ മുതിര്ന്ന നേതാവും പാര്ട്ടി ജനറല് സെക്രട്ടറിയുമായിരുന്ന എ അരുണാചലമാണ് ബിജെപിയില് അംഗത്വം സ്വീകരിച്ചത്.
കേന്ദ്രമന്ത്രിയും ബി.ജെ.പി നേതാവുമായ പ്രകാശ് ജാവ്ദേക്കറിന്റെ സാന്നിധ്യത്തിലായിരുന്നു അരുണാചലത്തിന്റെ ബി.ജെ.പി പ്രവേശനം അടുത്തവര്ഷം ഏപ്രില് -മേയ് മാസങ്ങളിലാണ് തമിഴ്നാട് തെരഞ്ഞെടുപ്പ്. ബിഹാര് നിയമസഭ തെരഞ്ഞെടുപ്പില് കരുത്തുതെളിയിച്ച അസദുദ്ദീന് ഉവൈസിയുടെ എ.ഐ.എം.ഐ.എം പാര്ട്ടിയുമായി സംഖ്യമുണ്ടാക്കി മക്കള് നീതി മയ്യം തെരഞ്ഞെടുപ്പിനിറങ്ങുമെന്ന റിപ്പോര്ട്ടുകളും പുറത്തുവന്നതിന് പിന്നാലെ നേതാവ് പാര്ട്ടിമാറിയത് കമല് ഹാസന്റെ പാര്ട്ടിയില് പ്രശ്നങ്ങള് ഉണ്ടാക്കുമെന്നാണ് വിലയിരുത്തുന്നത്.