ശ്രീജ.എസ്
മുംബൈ ;കൊറോണ വൈറസിനെ തുരത്താന് ഇന്ത്യക്കാര്ക്കായി ‘ഗോ കൊറോണ ഗോ’ എന്ന മുദ്രാവാക്യം അവതരിപ്പിച്ച കേന്ദ്ര മന്ത്രി രാംദാസ് അതാവലെ, കോവിഡിന്റെ ജനിതക മാറ്റം സംഭവിച്ച പുതിയ വകഭേദത്തെ തുരത്താനായി മറ്റൊരു മന്ത്രം കൂടി സംഭാവന ചെയ്തിരിക്കുകയാണ്. ‘നോ കൊറോണ നോ’ എന്ന പുതിയ മുദ്രാവാക്യം യു.കെയിലും ദക്ഷിണാഫ്രിക്കയിലും കാണപ്പെട്ട പുതിയ വൈറസിനുള്ളതാണെന്ന് മന്ത്രി വ്യക്തമാക്കി.
“മുന്പ് ഞാന് ‘ഗോ കൊറോണ, കൊറോണ ഗോ’ എന്ന മുദ്രവാക്യം നല്കി, ഇപ്പോള് കൊറോണ പോവുകയാണ്. ഇപ്പോള് പുതിയ കൊറോണ വൈറസ് പടരുന്നുണ്ട് എന്നാണ് അറിയുന്നത്, ഞാന് ഒരു മുദ്രവാക്യം കൂടി നല്കുന്നു ‘നോ കൊറോണ, കൊറോണ നോ” -കേന്ദ്രമന്ത്രി രാംദാസ് അത്വാല പ്രതികരിച്ചു.